«Բլից հարցազրույցներ ԱԺ պատգամավորների հետ» շարքի շրջանակներում NEWS.am-ը ներկայացնում է իր հերթական հարցազրույցը: Այս անգամ զրուցել ենք «Բարգավաճ Հայաստան» խմբակցության պատգամավոր Վահան Բաբայանի հետ:

Ո՞վ եք դուք եւ ինչպիսի՞ն եք:

Ես Վահան Բաբայանն եմ,իսկ թե ինչպիսինն եմ, հարցրեք ընկերներիս եւ թշնամիներիս:

Ի՞նչ է կյանքը եւ մահը:

Ինչպես ասել է Կանտը, «Մահից ավելի քիչ վախենում է այն մարդը, ում կյանքը ունի առավել մեծ արժեք»:

Մանկությունից կամ պատանեկությունից ի՞նչն է ամենաշատը տպավորվել ձեր մեջ:

Մեր բակում հավաքվող ազատամարտիկների մոտ եղած զենքն ու զինամթերքը,որը ես միշտ ուզում էի վերցնել ձեռքս եւ օրերից մի օր դա ինձ հաջողվեց:

Ձեր առավելություններից:

Ես միշտ առնվազն երեք քայլ առաջ եմ  խաղում:

Ձեր թերություններից:

Հակառակորդներիս քայլերի հանդեպ շատ անհամբեր եմ:

Ձեր մեղքերը, որոնց համար դատապարտվելու եք:

Եթե դատավորը կլինի Աստված, կարծում եմ կներվեմ:

Ձեր կյանքի ամենամեծ սխալը:

Դա ցույց կտա պատմությունը

Ձեր կյանքի ամենահամարձակ քայլը:

Իմ մուտքը քաղաքականություն:

Խոցելի կողմեր:

Դա գաղտնիք է:

Թշնամիներին եւ հակառակորդներին ինչպե՞ս եք դիմագրավում:

Երբեք նրանց չեմ թերագնահատում:

Սկզբունքներ, որոնք խախտել եք, եւ որոնք երբեք չեք խախտի:

Ես փոխում եմ կարծիքս, բայց պահպանում եմ սկզբունքներս,ինչպես ծառը փոխում է տերեւները, բայց պահպանում է իր արմատները:

Տխրությունը եւ ուրախությունը ո՞ւմ կերպարով են ձեզ այցելում:

Ես պատրանքներով չէմ ապրում, տխրութունը եւ ուրախությունը ընդամենը զգացմունքներ են ,իսկ ինձ այցելում են կենդանի մարդիկ:

Դուք ձեզ երջանիկ մարդ համարո՞ւմ եք, կատարյալ երջանիկ լինելու համար ի՞նչ է ձեզ պակասում:

Այո, համարում եմ եւ միեւնույն ժամանակ կարծում ,որ կատարյալ երջանկություն չկա:

Ի՞նչ կփոխեիք ձեր մեջ կամ եթե նորից ծնվեիք...

Ոչինչ:

Ի՞նչն է  ձեզ զարմացնում եւ զայրացնում:

Արդեն ոչինչ:

Ինչի՞ց եք հոգնում եւ ո՞վ է ձեզ կյանքում օգնել:

Միապաղաղությունից, շատերը եւ նրանց շնորհակալ եմ:

Ձեր կյանքի ամենամեծ պարտությունը եւ հաղթանակը:

Ամենամեծ պարտությունս եղել է Աժ  նախկին ընտրություններին, իսկ ամենամեծ հաղթանակս ԱԺ այս ընտրություններին:

Ի՞նչ խոչընդոտներ եւ վտանգներ եք հաղթահարել կյանքում:

Բազմաթիվ,տարատեսակ եւ յուրօրինակ:

Ի՞նչ սենսացիոն հայտարարություն կարող եք անել հենց հիմա` այս հարցազրույցի շրջանակներում, այնպես, որ մեր բոլորի բերանը «բաց մնա»:

Ես Երեւանում երթեւեկում եմ առանց ամրագոտիների .Շամշյանին չասեք:

-Ձեր կենսագրության մեջ ամենահպարտանալու կետը ո՞րն է, եւ կա՞ արդյոք մի բան, որի համար ամաչում եք: Օրինակ` ձեզ քննադատողները նշում էին, որ երիտասարդ լինելով` հասցրել եք երեք տարբեր հայացքներ, գաղափարախոսություն ունեցող կուսակցություն փոխել, ինչը չեք նշում ԱԺ-ի կայքում հրապարակված ձեր պաշտոնական կենսագրության մեջ: Հնարավոր է` ամաչում եք այդքան կուսակցություններ փոխելու եւ առհասարակ ժամանակի ընթացքում գաղափարական տարբեր դաշտերում գործելու համար:

2004 –ին Քուբաթլիում մի գիշերային զորավարժության ժամանակ լինելով շարքային զինվոր ղեկավարել եմ վաշտի հարձակում անձրեւի տակ, պարգեւատրվել եմ Հայոց բանակի գերազանցիկ կրծքանշանով:Ամոթալին եղել է ուսանող ժամանակ,երբ ընկերոջս ծնողի փոխարեն մեր նյարդայնացած դեկանի մոտ տարանք քյաբաբ պատրաստող մի մարդու եւ այդ անծանոթը ներկայացավ որպես հօգատար հորեղբայր:Չնայած ֆակուլտետում բոլորը գիտերն նրան: Իսկ ինչ վերաբերում  է քաղաքական կազմակերպություններում իմ լինելու մասին տես պատասխան համար 4` Ես միշտ առնվազն երեք քայլ առաջ եմ  խաղում:ն

Չիրականացված երազանք:

Շուշիի ազատագրմանը ունենալ իմ մասնակցությունը:

Սիրելի գույնը:

Կարմիր:

Սիրելի կենդանի:

Գայլ:

Ինչի՞ եք պատրաստ հանուն սիրո եւ ինչի՞ չեք պատրաստ:

Եթե մեր երկրագնդի վրա գտնվի մեկը ,որը կտա սիրո սահմանումը,ես կասեմ թե ինչի եմ պատրաստ հանուն այդ անհասկանալի զգացմունքի:

Կանայք…ինչպիսի՞ն են նրանք եւ ինչպես կարելի է գրավել նրանց սիրտ:

Есть два способа командовать женщиной, но никто их не знает.Նապոլեոն

Առաջին սիրո խոստոսվանություն:

Դա հնչել է այսպես `ես քեզ սիրում եմ:

Իսկ ձեզ սիրո խոստովանություններ արե՞լ են:

Իհարկե

Խենթություններ, որոնք արել եք կանանց համար:

Չեմ ասի: 

Ամենառոմանտիկ օրը:

Կարծում եմ այս հարցը հանրային քննարկման համար չի:

Բնութագրեք ձեր ընտրյալին: Ի՞նչը չեք սիրում նրա մեջ եւ ի՞նչն եք սիրում:

Իմ ընտրյալը իմ հանելուկն է, ամեն օր հանդիպելուց ինչպես առաջին անգամ լինի: Եթե խոսքը գնում է իմ ընտրյալի մասին նա իմ համար անթերի է, քանի որ իմ ընտրյալն է:

Զոքանչի մասին մի հատ անեկդոտ կպատմե՞ք: Ժխտողական պատախաններ չեն ընդունվում:

Փեսան տեսնում է զոքանչին իր համակարգչի առջեւ նստած եւ բացականչում է այսպիսի վիրուսի դեռ չեի հանդիպել:

Տան հոգսերից որո՞նք են ձեր վրա, օրինակ` շուկա գնալ,աղբը թափել, հաց գնել եւ այլն:

Շուկա գնալ չէմ սիրում,աղբն էլ բնականաբար ես չեմ թափում իսկ հաց, իհարկե, առնում եմ:

Ամենաթանկարժեք իրը, որ ունեք:

Թանկարժեք իրեր չունեմ:

Հայրական ապտակի արժանացե՞լ եք:

Ոչ,երբեք:

Վեճերի, կռիվների, ծեծկռտուքների մասնակցե՞լ եք եւ կապտուկներով վերադարձե՞լ եք տուն:

Այո շատ անգամ( պատանեկության տարիներին):

Օրը քանի՞ տուփ եք ծխում, ամենաշատը ինչքա՞ն կարող եք խմել եւ ի՞նչ եք նախընտրում խմել` օղի, գինի, եւ մոլախաղերում ինչքա՞ն գումար եք պարտվել եւ հաղթել:

Ծխում եմ շատ քիչ,խմում օղի իսկ կազինո նույնիսկ չեմ մտել:

Եթե ոսկե ձկնիկ բռնեիք, ի՞նչ կխնդրեիք (հատուկ խնդրանք` ազգի, հայրենիքի համար բան չխնդրել):

Առողջություն իմ եւ իմ մտերիմների համար:

Շարքին մասնակցող նախորդ պատգամավորը` ՕԵԿ-ից Կարեն Բոթոյանը, Ձեզ հարցնում է, թե ի՞նչն է ձեզ համար գեղեցիկ եւ ի՞նչը` կատարյալ

Գեղեցիկ է կյանքը իսկ կատարյալ է տիեզերքը:

Ձեր հարցը շարքին մասնակցող հաջորդ պատգամավորին:

Ինչի՞ց եք վախենում ամենից շատ:

Նշենք, որ Վահան Բաբայանը ԱԶԺ-ում «նորաբնակներից» է: Ավարտել է Խ.Աբովյանի անվան հայկական պետական մանկավարժական համալսարանի (ՀՊՄՀ) պատմաաշխարհագրական ֆակուլտետը:  Նա եղել է Հայաստանի երիտասարդական կուսակցության նախագահը,  իսկ 2011թ ԲՀԿ-ին ՀԵԿ-ի միավորվելուց հետո ընտրվել է ԲՀԿ քաղաքական խորհրդի անդամ:

Ավելի վաղ NEWS.am-ը ներկայացրել էր հարցազրույց ԱԺ ՀՀԿ խմբակցության պատգամավոր Արփինե Հովհաննիսյանի, Լեւոն Մարտիրոսյանի, Նաիրա Կարապետյանի, Հայկ Գրիգորյանի, Մարգարիտ Եսայանի, Գարեգին Նուշիկյանի, Հովհաննես Սահակյանի, Արտակ Զաքարյանի, Կարինե Աճեմյանի, Արտակ Դավթյանի, Սամվել Ֆարմանյանի, Շիրակ Թորոսյանի, Կարեն Ավագյանի, Էդուարդ Շարմազանովի, Տաճատ Վարդապետյանի, ՕԵԿ-ից` Հեղինե Բիշարյանի,  Կարեն Բոթոյանի, ԲՀԿ խմբակցության պատգամավոր Տիգրան Ուրիխանյանի, Էլինար Վարդանյանի , Վահե Էնֆիաջյանի ,  Նաիրա Զոհրաբյանի, Գուրգեն Արսենյանի, ՀԱԿ-ից Լյուդմիլա Սարգսյանի, Հրանտ Բագրատյանի, Գագիկ Ջհանգիրյանի «Ժառանգությունից»` Ռուբեն Հակոբյանի, Խաչատուր Քոքոբելյանի, Ալեքսանդր Արզումանյանի, ՀՅԴ-ից` Արծվիկ Մինասյանիհետ, Աղվան Վարդանյանի, անկախ պատգամավոր Էդմոն Մարուքյանի հետ:

Շարքը` Ինգա Մարտինյանի