Շիրակի մարզում էլեկտրական ցանցի օպերատորը կրակել է 12-րդ դասարանի աշակերտուհու վրա:
NEWS.am-ի տեղեկություններով՝ հուլիսի 2-ին «Տիրամայր Նարեկ» հիվանդանոցից հաղորդում է ստացվել այն մասին, որ «աջ ազդրի վերին 1/3-ի, ստորին 1/3-ի, սրունք թաթային հոդի ներսային մակերեսի և ձախ ազդրի 1/3-ի ներսային մակերեսի հրազենային կոտորակային վերքեր» ախտորոշմամբ իրենց մոտ բուժօգնության է տեղափոխվել Աշոցքի միջնակարգ դպրոցի 12-րդ դասարանի աշակերտուհի:
Պարզվել է, որ 17-ամյա աղջկան այդ վնասվածքը անզգուշությամբ պատճառել է էլեկտրական ցանցի օպերատոր Արմեն Ս.-ն: Մեզ հայտնի է դարձել, որ էլցանցի աշխատակիցը ողորկափող որսորդական հրացանից փորձել է կատվին կրակել, սակայն պատահաբար դիպել է աղջկան:
Աղջկան տրվել է դատաբժշկի ուղեգիր, նշանակվել է դատաձգաբանական փորձաքննություն: Դեպքի առթիվ նյութեր են նախապատրաստվում: