Շիրակի մարզի Գյումրի քաղաքում այսօր՝ հոկտեմբերի 2-ին, խոշոր ավտովթար է տեղի ունեցել. կա 1 զոհ, 6 վիրավոր:
Գյումրիում NEWS.am-ի թղթակիցը հաղորդում է, որ ժամը 20:00-ի սահմաններում քաղաքի Խրիմյան Հայրիկ փողոցում իրար են բախվել երկու ավտոմեքենա: Վթարի հետեւանքով մահացել է 64-ամյա Արշալույս Ստեփանյանը, իսկ 38-ամյա Գագիկ Փ., 45-ամյա Գագիկ Հ.-ն, 53-ամյա Ռոբերտ Ա.-ն, 21-ամյա Վարուժան Մ.-ն, 30-ամյա Վասիլ Ս.-ն, որը մահացածի որդին է, 19-ամյա Արթուր Փ.-ն տեղափոխվել են Գյումրիի բժշկական կենտրոն:
Այնտեղից մեզ հայտնեցին, որ վիրավորներից երեքի վիճակը կայուն ծանր է, մյուսները միջին ծանրության են: