Դոնի Ռոստովից ինքնաթիռով 10 պարետային շուն կուղարկեն Հայաստանում տեղակայված ռուսական ռազմաբազային․ շների գործը կլինի ռազմամթերքի պահեստների եւ ռազմական տեխնիկայի պահպանությունը։
Ինչպես հաղորդում է Հարավային Ռազմական Օկրուգի մամուլի ծառայությունը, շներին բերել են Մերձմոսկովյան շրջանում գտնվող կինոլոգիական ուսումնական կենտրոնից, որտեղ ընտանի կենդանիները հատուկ պատրաստություն են անցել։ Շներին կօգտագործեն ինչպես պահպանության ստացիոնար կայաններում, այնպես էլ ազատ պարեկության մեջ։
Պարեկային ծառայության մեջ հիմնականում օգտագործվում են այնպիսի ցեղատեսակների շներ, ինչպիսիք են գերմանական, արեւելաեվրոպական եւ կովկասյան գամփռները։ Հանդիպում են նաեւ ռոտֆելլերներ ու նույնիսկ այնպիսի հազվագյուտ ցեղատեսակ, ինչպիսին բելգիական գամփռն է։
Շների կերակրմանն օրական հատկացվում է 600 գրամ մանրաձավոր, 400 գրամ միս, 15 գրամ ճարպեր եւ 300 գրամ բանջարեղեն։ Եթե շունը հիվանդացել է, նրան նաեւ 500 գրամ կաթ է հասնում։
Ռուսական ռազմական բազայում լավ պատրաստվել են պարեկային շների դիմավորմանը․ արդեն կառուցված են նոր բներ ու բնակության վայրեր, ինչպես նաեւ մասնագիտացած մարզական վազքուղի։
Ներկայումս Հարավային ռազմական օկրուգում ռազմական օբյեկտների պաշտպանությանը տարբեր ցեղատեսակների 300 պարեկային շուն է մասնակցում։