նախընտրելի դարձնել
Հարավային Աֆրիկայի Հանրապետության նախագահ Ջեյքոբ Զուման անդրադարձել է Նելսոն Մանդելայի առողջության մասին լուրերին: Ըստ նրա` պետության նախկին ղեկավարը գտնվում է ծանր, բայց կայուն վիճակում:
«Նա ստանում է լավագույն բժշկական օգնությունը` բարձրորակ մասնագետների կողմից, որոնք շուրջօրյա հերթապահում են նրա մահճակալի մոտ», - հայտնել է Ջեյքոբ Զուման:
Նախօրեին լուր էր հայտնվել, որ ՀԱՀ-ի առաջին սեւամորթ նախագահի արհեստական շնչառության սարքը կարող են անջատել: Իբր բժիշկները հաստատել էին, որ Մանդելան գտնվում է «բույսի» կարգավիճակում, եւ հիվանդի հարազատներին խորհուրդ էին տվել «չերակարացնել նրա տանջանքները», հաղորդում է ՆՏՎ-ն:
Նելսոն Մանդելան հիվանդանոցում էր հայտնվել հուլիսի սկզբին: Նրա վիճակը գնալով վատացել էր, եւ ստիպված էին եղել նրան արհեստական շնչառության սարք միացնել: Այժմ բժիշկները պայքարում են նրա կյանքի համար:
