Քալիֆորնիայի Գլենդել քաղաքում կալանավորվել է հայկական ծագման մի երիտասարդ իր դատապարտված հորը պարտակելու համար, գրում է «Glendale News-Press»-ը:

Գլենդելի եւ Փասանեդայի ոստիկանությունը  ընկել է 19-ամյա Ղուկաս Սայադխանյանի ավտոմեքենայի հետեւից: Պատանին մեքենան վարել է 160 կմ/ժ արագությամբ: Նրա հայրը՝ Գագիկ Սայադխանյանը կալանավորվել եւ դատապարտվել է Նեբրասկա նահանգի Քարնի քաղաքում խարդախության մեղադրանքով: Վերջինս այլոց վարկային քարտերը կարդացող սարքի օգնությամբ յուրացրել հազարավոր դոլարներ: Նա փախել է մինչեւ դատավճռի ընթերցումը:

Ղուկաս Սայադխանյանը կալանավորվել է ոստիկանությունից փախչելու եւ հանցագործին պարտակելու մեղադրանքով: Կալանքից ազատման գումարը կազմում է 75 հազար դոլար: