«Ռոսսելխոզնադզորը» օգոստոսի 1-ից արգելել է Ուկրաինայից արեւածաղկի, բակլայի, եգիպտացորենի ձավարի, սոյայի քուսպի ներմուծումը ֆիտոսանիտարաան պահանջների բազմաթիվ խախտումների պատճառով:
Մինչեւ 2014թ օգոստոսի 1-ը բեռնված նման արտադրանքը ենթակա կլինի ներմուծման միայն ֆիտոսանիտարական վերահսկողության արդյունքներով, հաղորդում է «ՌՒԱ Նովոստին»:
Դեռ անցած շաբաթ «Ռոսսելխոզնադզորը» հաղորդել էր, որ Ուկրաինայի եվրաինտեգրման բանակցությունների անցկացման ժամանակ հնարավոր է այդ երկրից պարենի ողջ ներմուծումը ամբողջությամբ դադարեցվի: Դրանից հետո գերատեսչությունը հուլիսի 28-ին դադարեցրել էր ձեռքի ուղեբեռում, ծանրոցներում, ուղեբեռում ուկրաինական բուսական արտադրանքի, ինչպես նաեւ կաթի եւ կաթնամթերքի ներմուծումը:
Արգելված է նաեւ խոզերի եւ կարտոֆիլի ներմուծումը: Իր կողմից «Ռոսպոտրեբնադզորը» հուլիսի 29-ից դադարեցրել է ուկրաինական պտուղ-պանջարեղենային եւ ձկնային պահածոների, իսկ հուլիսի 31-ից՝ նաեւ հյութերի ներմուծումը: