ՄԱԿ-ի գլխավոր քարտուղարի տեղակալ Հելեն Քլարքը արհամարհել է Ադրբեջանում հայ գերիների հանդեպ անմարդկային վերաբերմունքի եւ կտտանքների մասին հարցը:
Մամուլի ասուլիսի ընթացքում Երեւան այցելած հեղինակավոր կազմակերպության բարձրաստիճան պաշտոնյա կնոջը հարց են տվել` մտադիր է արդյոք Ադրբեջան կայանալիք այցի ընթացքում քննարկել մարդու իրավունքների հետ կապված իրավիճակը, նաեւ՝ ինչպես է վերաբերվում Ադրբեջանի կողմից Հայաստանի հետ հումանիտար հարցերի շրջանակում համագործակցության ցանկության բացակայությանը, մասնավորապես՝ գերիների, պատանդների, ինչպես նաեւ գերիների մարմինների հանձնման հարցերում:
Այս երկար եւ բարդ հարցին ի պատասխան Հելեն Քլարքը հաստատել է, որ մտադիր է այցելել Վրաստան, հետո Ադրբեջան: Ըստ նրա՝ կքննարկի հարցեր, որոնք կվերաբերեն ՄԱԿ-ի զարգացման ծրագրերին:
Ընդ որում, հարցի էությունը Քլարքը շրջանցել է: