Ադրբեջանի գլխավոր դատախազությունն ու ՆԳՆ-ն պարզում են Գերանբոյի շրջանում տեղի ունեցած սարսափելի միջադեպի հանգամանքների, որի հետեւանքով 7 մարդ է մահացել:
Ինչպես հաղորդում է haqqin.az-ը՝ վկայակոչելով Ադրբեջանի գլխավոր դատախազ Զաքիր Գարալովին, զինված հարձակման մանրամասները պարզելու համար համատեղ խումբ է ուղարկվել:
Հաղորդվում է, որ 36-ամյա Ռաֆիգ Հուսեյնովը, որը կասկածվում է այդ հանցագործությունը կատարելու մեջ, նռնակ է նետել զոքանչի տան մեջ, որտեղ այդ պահին եղել է նաեւ նրա կինը: Կասկածյալը ձերբակալվել է:
Զինված հարձակման հետեւանքով սպանվել է 7, վիրավորվել՝ 2 մարդ: Միջադեպը տեղ է ունեցել այսօր՝ հոկտեմբերի 1-ին, ժամը 04.00-ի սահմաններում: