Ամերիկյան Ջորջիա նահանգի Ատլանտա քաղաքի միջազգային օդանավակայանում ոստիկանն էլեկտրաշոկի օգնությամբ սանձել է մերկ տղամարդուն: Այս մասին գրում է Associated Press գործակալությունը:
Ոստիկանության տվյալներով՝ 23-ամյա տղամարդը գրանցվելիս սկսել է գոռալ եւ իրեն տարօրինակ պահել:
«Օդանավակայանի աշխատակիցները ոստիկանի են կանչել, ով փորձել է հանգստացնել տղամարդուն, սակայն վերջինը շարունակել է ճչալ: Սպան իրավիճակն առանց ծեծկռտուքի կարգավորելու համար էլեկտրաշոկ է կիրառել»,- ոստիկանության հաղորդագրությունն է մեջբերում Gazeta.ru-ն:
Ձերբակալելուց հետո տղամարդուն տեղափոխել են հիվանդանոց: Նրան խուլիգանության մեղադրանք է առաջադրվել:
