Հանրապետական խմբակցության պատգամավոր Մանվել Գրիգորյանի եւ Սեյրան Սարոյանի մասնավոր կարծիքը մեկնաբանելու նպատակահարմարություն չեմ տեսնում: Այս մասին NEWS.am-ի թղթակցի հետ զրույցում ասաց ԲՀԿ առաջնորդ Գագիկ Ծառուկյանի մամուլի խոսնակ Իվետա Տոնոյանը:
«Դա նրանց մասնավոր կարծիքն է, Գագիկ Ծառուկյանը իր դիրքորոշումները հստակ ասել է թե հանրահավաքին, թե դրան հաջորդող հարցարզրույցի ընթացքում: Այդ կարծիքը մեկնաբանալու նպատակահարմարություն չեմ տեսնում»,-ասաց ԲՀԿ առաջնորդի մամուլի խոսնակը:
Հիշեցնենք, որ Մանվել Գրիգորյանը, անդրադառնալով Գագիկ Ծառուկյանի՝ նախագահի թեկնածու առաջադրվելուն, ասել էր, թե »Բաղդադում էլ խուրմա կա, ինչ ուզում ա դառնա, իրա խնդիրն ա: Ուզըմ ա. շատ մարդ ա շատ բան ուզըմ: Գագիկ Ծառուկյանը սաղ կյանքը իշխանություն ա էլե, էդ ո՞ր օրվանից եղավ անիշխանություն»: Իսկ Սեյրան Սարոյանն էլ ասել էր, թե «Էդ երբվանի՞ց ա Ծառուկյանը դարձել հեղափոխական, գոնե պահանջներ դրել ա»:
