Եգիպտոսում վնասազերծվել է «Իսլամական պետության» հետ կապված ահաբեկչական ցանցը:
«ԻՏԱՌ-ՏԱՍՍ»-ը, վկայակոչելով «Ալ-Մասրի Ալ-Յում» թերթի լրատվական պորտալին, նշում է, որ Եգիպտոսի պետական անվտանգության աշխատակիցներին հաջողվել է ձերբակալել ընդհատակյա ցանցի 8 ակտիվիստներին: Խուզարկությունների ժամանակ նրանց մոտ խոշոր գումարներ են հայտնաբերվել: Հարցաքննության արդյունքում պարզվել է, որ ֆինանսական միջոցները նախատեսված են Եգիպտոսի տարբեր շրջաններում ահաբեկչությունների կազմակերպման նպատակով:
Աղբյուրի փոխանցմամբ, խմբավորման ղեկավարը, ում անունը չի նշվում, Զակազիկայից է՝ անցած տարվա հուլիսին բանակի կողմից տապալված նախագահ-Իսլամիստ Մուհամեդ Մուրսիի ծննդավայրից: Ընդհատակյա խմբավորման առաջնորդը ձերբակալվել է Կահիրեի միջազգային օդանավակայանում՝ Թուրքիա մեկնումից առաջ: Ինչպես հայտնում են Եգիպտոսի ուժային կառույցների ներկայացուցիչները, առաջնորդն այնտեղ հատուկ ուսուցում պետք է ստանար եւ մեկներ Սիրիա:
