Եվրասիական միությունում Հայաստանը փողերի լվացման վայր կարող է դառնալ: Այդ մասին այսօր՝ նոյեմբերի 26-ին, ԱԺ տնտեսական հարցերով մշտական հանձնաժողովի նիստին Եվրասիական տնտեսական միությանը Հայաստանի անդամակցության պայմանագրի քննարկման ժամանակ հայտարարեց «Ժառանգություն» խմբակցության Թեւան Պողոսյանը:
Ղազախստանից, Բելառուսից եւ Ռուսաստանից ներդրումների գումարները կարող են հարաբերականորեն ավելի խոշոր լինել, սակայն կամ մի խնդիր. այդ երկրերում ձեւավորվող գումարները ոչ այդքան մաքուր են: «Այս վտանգավոր ուղղության մեջ հակակշիռ մտնցելու միակ եղանակը Եվրամիության հետ համագործակցության խորացումն է: Սակայն ԵՄ-ն դժվարանում է ինչ-որ բան ասել, քանի դեռ հստակ չլինեն ԵՏՄ-ին Հայաստանի անդամակցության ընթացակարգերը, ընդ որում ոչ թե թղթի վրա, այլ գործողության մեջ: Այս միության մնացած երեք անդամների հետ մեր հարաբերությունների պրակտիկան շատ բան ցույց կտա: Նրանցից յուրաքանչյուրն ապացուցեց, որ ղեկավարվում է բացառապես սեփական շահերով: Նշանակում է, մենք նույն կերպ պետք է գործենք», - նշեց Պողոսյանը:
Սակայն չնայած նրա ջանքերին, հանձնաժողովը 5 «կողմ» եւ 2 «դեմ» ձայներով սատարեց պայմանագիրը: Եվրասիական տնտեսական միությանը Հայաստանի անդամակցության պայմանագրի վավերացումը Հայաստանի, Ռուսաստանի, Բելառուսի եւ Ղազախստանի խորհրդարաններում սպասվում է դեկտեմբերին: Ակնկալվում է, որ Հայաստանը ԵՏՄ լիիրավ անդամ կդառնա 2015թ. հունվարի 1-ից:
