Թաիլանդի Կալասին նահանգի դպրոցներից մեկում հավաքարարը գնդակահարել է տնօրենին այն բանի համար, որ վերջինս «շատ հաճախ էր իրեն դիտողություն անում»:
Տեղի լրատվամիջոցների փոխանցմամբ՝ հավաքարարը դպրոց էր վերադառնում եղբոր մասունքների դիակիզման արարողությունից: Այդ ժամանակ տնօրենը դպրոցի այլ ուսուցիչների հետ միասին նստած են եղել ճաշարանում եւ տեսնելով հավաքարարին սկսել է կրկին դիտողություններ անել «երկար բացակայելու համար»: Հավաքարարը շրջվել է ու վերադարձել տուն:
Նա վերադարձել է կես ժամ անց ու կրկին հայտնվել տնօրենի քննադատությունների թիրախում: Այդ ժամանակ հավաքարարը հանել է տնից բերած 9-մմ-անոց ատրճանակը եւ մոտ տարածությունից 8 գնդակ արձակել տնօրենի վրա: Դրանից հետո հավաքարարը գնացել է տուն, որտեղ էլ ոստիկանությունը բռնել է նրան:
Նշենք, որ Թաիլանդում մարտական զենքը (մինչեւ 38 մմ տրամաչափի ատրճանակներ) ազատ վաճառվում է երկրի խանութներում:
