«Առավոտ» թերթը «Հանրապետություն» կուսակցության քաղխորհրդի անդամ Արամ Սարգսյանից հարցրեց՝ երեկ մեր թերթին տված հարցազրույցում ՀԱԿ խմբակցության ղեկավար Լեւոն Զուրաբյանն ասաց, որ սահմանադրական բարեփոխումների առիթով իրենք քաղաքական դաշտի կոնսոլիդացիայի հնարավորություն տեսնում են: Այսքան դեգերումներից հետո որեւէ հավանականություն տեսնո՞ւմ եքՀԱԿ-ի հետ նույն գաղափարի շուրջ համախմբվելու, նույն հարթակում կանգնելու:
«Եթե իրենք այդպես են մտածում, ոչ թե պետք է կամուրջները վառեին՝ դավալուներում ու չգիտեմ որտեղ, այլ համագործակցության համար որոշակի տեղ պիտի թողնեին: Ես դեմ եմ այն մոտեցմանը, որ իրենք լակմուսի թուղթ են հորինել... Մենք դեմ ենք սահմանադրական բարեփոխումներին, բայց ես դեմ եմ նաեւ, որ նրանց, որոնք կողմ են՝ դավաճան համարենք: Այդ «դավաճան» պիտակն իրենք շատ հանգիստ են բաժանում, թող կողքից իրենց նայեն:
Մեր կուսակցությունը բազմաթիվ անգամ քննարկել է, մենք ունենք առաջիկա քաղաքական գործընթացների հետ կապված մեր մոտեցումները, եւ դրանցում ՀԱԿ-ի հետ խաչվող որեւէ ճանապարհ այս պահին չկա: չեմ կարծում, որ հետագայում էլ լինի»,-պատասխանեց Արամ Սարգսյանը»:
Առավել մանրամասն՝ թերթի այսօրվա համարում