«100-ամյակը առանց ռեժիմի» շարժման առաջնորդ Ժիրայր Սէֆիլյանը գրավոր կոչով դիմել է քաղաքացիներին։
«Սիրելի՛ հայրենակից
Կոչ եմ անում այսուհետեւ չկատարել բանկերից եւ վարկային կազմակերպություններից վերցրած վարկերի մարումները եւ չհարստացնել ռեժիմին ու նրա մաս կազմող հանցագործ օլիգարխներին, ովքեր բաժին ունեն մեր վճարած յուրաքանչյուր դրամից:
«100-ամյակը առանց ռեժիմի» շարժումը քեզ հետ միասին ապրիլի 24-ից սկսելու է գործող հանցավոր ռեժիմի հեռացման գործընթացը:
Ռեժիմին հեռացնելուց հետո հիմնարար փոփոխություններ են կատարվելու բանկային համակարգում, վերանայվելու են բնակչության եւ ձեռնարկատերերի վերցրած վարկերի պայմանները, այդ թվում՝ տոկոսադրույքները եւ մարման ժամկետները, հայտարարվելու է վարկային պատմությունների համաներում, ինչպես նաեւ դադարեցվելու են վարկերի չվճարված գումարների բռնագանձման նպատակով հարուցված հարկադիր կատարման վարույթները:
Ռեժիմին հեռացնելուց հետո դու կվճարես միայն վարկի մայր գումարը եւ վերանայված ու էապես նվազեցված տոկոսադրույքները՝ առանց որեւէ տույժի կամ տուգանքի»:
