Ամերիաբանկը եւ ՍԱՍ Գրուպը 2015թ. մարտի 30-ից թողարկում են համատեղ քարտ, որը հնարավորություն կտա ՍԱՍ սուպերմարկետների հաճախորդներին մեկ քարտով ունենալ միաժամանակ եւ' վարկային, եւ' կուտակային քարտ:
Ամերիաբանկ-ՍԱՍ քարտապանները կարող են օգտագործել hամատեղ քարտը ինչպես SAS սուպերմարկետներում, այնպես էլ NEXT, DEBENHAMS, ALDO եւ BALDI խանութներում` միաժամանակ կուտակելով միավորներ տվյալ խանութներում գնումներ կատարելիս: Քարտապանները կարող են օգտվել նաեւ Ամերիաբանկի տրամադրած վարկային գծից` մինչեւ 51 օր առանց տոկոսադրույքի վճարման արտոնյալ ժամանակահատվածով, ինչպես նաեւ տեղեկանալ վերոնշյալ խանութներում գործող զեղչերի մասին` դրանց համընդհանուր հայտարարումից մեկ օր առաջ:
Նշենք, որ արդեն իսկ SAS ClubCard քարտապաններն Ամերիաբանկի վարկային գիծը կարող են ստանալ պարզեցված ընթացակարգով:
Ամերիաբանկ-ՍԱՍ համատեղ քարտ ստանալ ցանկացողները կարող են hայտ ներկայացնել SAS սուպերմարկետում, NEXT, DEBENHAMS, ALDO եւ BALDI խանութներում, Ամերիաբանկի գլխամասային գրասենյակում եւ ցանկացած մասնաճյուղում, ինչպես նաեւ առցանց՝ www.ameriabank.am եւ www.sas.am կայքերի միջոցով:
