Ռուս քաղաքական գործիչ Բորիս Նեմցովի սպանության գործով մեղադրյալի մեղադրանքը խստացրել են։ Այս մասին հայտնում է «ՌԻԱ Նովոստի»-ն։
«Համզաթ Բախաեւի ձերբակալության ժամանակ կիրառվել է ՌԴ ՔՕ 222-րդ հոդվածի 2-րդ մասը («Ապօրինի զենքի պահել»), իսկ հիմա դրան ավելացել է նաեւ նույն հոդվածի 3-րդ մասը»,- հայտարարել է դատավորը։
Հոդվածի 2 մասը նախատեսում է մինչեւ 6 տարվա ազատազրկում, իսկ 3-րդ մասը՝ մինչեւ 8 տարվա։ Երրորդ մասը ենթադրում է նաեւ կազմակերպած խմբավորման կազմում կատարած հանցագործություն։ Սրանից բացի Բախաեւի հանդեպ գործ է հարուցվել «Վարձու սպանություն» հոդվածով։