Օխոտի ծովում խորտակված նավի նավապետին դեռ չեն գտել, հաղորդում է «Նորությունների ռուսական ծառայությունը»:
Ռուսաստանի ԱԻՆ փոխնախարար Վլադիմիր Ստեպանովը հայտարարել է, որ դեռեւս տեղեկություններ չունեն նավապետի գտնվելու վայրի մասին:
«Նավի խորտակման պատճառների մասին դեռ վաղ է խոսել: Դրանք պարզում են քննչական մարմինները: Դեպքի վայրում եղանակը նորմալ, աշխատանքային է, այսինքն դա չէր կարող պատճառ դառնալ: Յոթ մարդ ծանր վիճակում է գտնվում, մնացածի վիճակը բավարար է: Մենք նախատեսում ենք տարհանել նրանց ԱԻՆ-ի ավիացիայի օգնությամբ»,-ասել է Ստեպանովը:
Նա հավելել է, որ աղետի վայրում աշխատում է մոտ 1600 մարդ: Ավելի վաղ հաղորդվել էր, որ դատախազները կգնահատեն աղետին առնչություն ունեցողների գործողությունները: