![](img/news/26/57/30/default.jpg)
Կահիրեի վերաքննիչ դատարանը մինչեւ հունիսի 4-ը հետաձգել է Եգիպտոսի նախկին նախագահ Հոսնի Մուբարաքի, ՆԳՆ նախկին ղեկավար Ալ Ադլիի, նրանց 6 համախոհների, ինչպես նաեւ Մուբարաքի որդիների դատավճռի բողոքարկման գործով որոշումը։
Հոսնի Մուբարաքն ու Ալ Ադլին 2012թ. հունիսի 2-ին դատապարտվել էին ցմահ ազատազրկման։ Դատարանը նրանց մեղավոր էր ճանաչել հունվարյան հեղաշրջման ժամանակ խաղաղ քաղաքացիների մահվան մեջ մասնակցություն ունենալու համար։ 2013թ. հունվարին Եգիպտոսի վճռաբեկ դատարանը բավարարել էր նախկին նախագահի փաստաբանների բողոքարկումը, փոխանցում է «ՌԻԱ Նովոստի»-ն։
Անցյալ տարվա նոյեմբերին Կահիրեի դատարանը Մուբարաքի եւ նրա որդիների վրայից հանել էր բոլոր մեղադրանքները։