![](img/news/26/58/39/default.jpg)
Իրանում հազարավոր մարդիկ բողոքի ակցիա են կազմակերպել եւ հրդեհել Մահաբադ քաղաքի հյուրանոցը այն բանից հետո, երբ հյուրանոցի սպասուհին դուրս է ցատկել 4-րդ հարկից՝ ենթադրաբար փրկվելով նրան բռնաբարել փորձող տղամարդուց։ Այս մասին գրում է «ՌԻԱ Նովոստի»-ն՝ վկայակոչելով Spiegel-ին։ Միջադեպը տեղի էր ունեցել քաղաքի միակ 4-աստղաքնի հյուրանոցում անցյալ երկուշաբթի։ 25-ամյա սպասուհուն փորձել էր բռնաբարել պետական մի պաշտոնյա, որը նման ծառայությունների դիմաց հյուրանոցի ղեկավարին 5-րդ աստղն էր խոստացել։ Աղջիկը դուրս էր ցատկել 4-րդ հարկի պատուհանից եւ ստացած վնասվածքներից մահացել։ Քաղաքապետը հաստատել է բռնաբարության փորձի մասին տեղեկությունները։
Կասկածյալը ձերբակալվել է, սակայն հյուրանոցի առջեւ ցուցարարների հոծ բազմություն է հավաքվել, որոնք հրդեհել էին հյուրանոցը եւ լուսանկարը տեղադրել սոցցանցում։