«Օրինաց երկիր» կուսակցության նախագահ Արթուր Բաղդասարյանը ընտրվել է «Սիստեմա ԱՖԿ»-ի խոշոր բանկերից մեկի՝ ՄՏՍ-ի տնօրենների խորհրդի անդամ:Այս տեղեկությունը NEWS.am-ի թղթակցի հետ զրույցում հաստատեց նրա խոսնակը՝ Արթուր Միսակյանը:
Դրանից բացի՝ Արթուր Բաղդասարյանը «Ռոսնեֆտի» տնօրենների խորհրդի անդամ է, մի քանի համալսարանների խորհրդի նախագահ, ինչպես օրինակ՝ Ֆրանսիական համալսարանի, Եվրոպական ակադեմիայի, ինչպես նաեւ սեպտեմբերին Հայաստանում բացվող ՀԱՊԿ ակադեմիայի խորհրդի նախագահ է: Մամուլի խոսնակից տեղեկացանք նաեւ, որ Արթուր Բաղդասարյանը Հայաստանում է, իսկ ամառային հանգստի մասով դեռ ոչինչ չկա պլանավորված, ակտիվ քաղաքական աշխատանքային պրոցեսի մեջ է:
Նշենք, որ «Սիստեմա» ընկերության տնօրենների խորհրդի անդամ է Հայաստանի նախկին նախագահ Ռոբերտ Քոչարյանը: Հունիսի 30-ին Մոսկվայում, կայացել էր «Սիստեմայի» բաժնետերերի ժողովը:
