«Պյոտր Պորոշենկոյի բլոկ-Համերաշխություն» եւ Վիտալի Կլիչկոյի ղեկավարած «ՈւԴԱՌ» (Հարված) կուսակցությունների համատեղ համագումարի պատվիրակներն այսօր՝ օգոստոսի 28-ին, միաձայն քվեարկել են երկու քաղաքական ուժերի միաձուլման որոշման օգտին:
Իրավական ընթացակարգերի շրջանակում Կլիչկոն եւ իր 18 կողմնակիցները դուրս են եկել «ՈւԴԱՌ» կուսակցությունից եւ ընդգրկվել «Պյոտր Պորոշենկոյի բլոկ-Համերաշխություն» կուսակցությունում:
«ՈւԴԱՌ» կուսակցությունն այսուհետ աշխատելու է այլ ձեւաչափով՝ «ՈւԴԱՌ-Համերաշխություն» միավորված քաղաքական ուժի կազմում»,- Twitter-ում գրել է Վիտալի Կլիչկոն:
Նա նաեւ ընտրվել է միավորված նախագահամետ կուսակցության ղեկավար:
Համապատասխան որոշման մասին հայտարարել է արդեն նախկին կուսակցության ղեկավար Յուրի Լուցենկոն:
