Երեւանի «Շտապօգնության» կենտրոնական ենթակայանում փետրվարի 2-ին տեղի ունեցած միջադեպից տուժած բուժակ Վաղարշակ Սահակյանը դուրս է գրվել հիվանդանոցից:
NEWS.am-ի հետ զրույցում Վաղարշակ Սահակյանն ասաց, որ իրեն լավ է զգում:
«Շատ լավ եմ, բայց դեռ մի երկու ամիս էլ կտեւի, որ ոտքս գետնին դնեմ, քայլեմ, վերադառնամ աշխատանքի»,- ասաց Վաղարշակ Սահակյանը:
Հիշեցնենք, որ փետրվարի 2-ին խրոնիկ հոգեկան հիվանդությամբ տառապող, անօթեւան, Արզուման անունով տղամարդը գնացել էր «Շտապօգնության» կենտրոնական ենթակայան եւ քնելու տեղ պահանջել։ Նա հարձակվել էր բժիշկներից մեկի վրա, ինչը տեսնելով` բուժակ Վաղարշակ Սահակյանն օգնության էր հասել, սակայն ընկել էր ու կոտրել ոտքը: Վաղարշակ Սահակյանը վիրահատվել էր: Արզումանին դեպքից հետո տեղափոխել էին Ոստիկանություն, այնտեղից ազատ արձակել:
