![](img/news/31/17/29/default.jpg)
Հայաստանում համեմատաբար քիչ են ծնողազուրկ երեխաները, եւ ընտանեկան արժեքները երկրում շատ ամուր են։ Այս մասին փետրվարի 15-ին՝ ԵՄ ֆինանսավորմամբ իրականացվող «Ծնողազուրկ երեխաների անհատական զարգացման հավասար հնարավորություններ» ծրագրի վերաբերյալ իրազեկման նպատակով առաջին գիտաժողովի շրջանակում լրագրողներին հայտնել է Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին։
Նրա խոսքով՝ ԵՄ-ն մի շարք ռազմավարական փաստաթղթեր ընդունել, որոնք ընդգծում են երեխաների իրավունքների պաշտպանության կարեւորությունը։ «Հայաստանն իհարկե առանձնահատուկ դեպք է, եւ այստեղ իրավիճակը բավականին տարբերվում է։ Ես անձամբ կոչ եմ անում որեւէ քայլ չձեռնարկել այս իրավիճակը փոխելու համար»,- ընդգծել է Սվիտալսկին։
Նա նշել է, որ ԵՄ-ի համար շատ կարեւոր է 2 հանգամանք։ «Առաջինը՝ քաղաքացիական իրազեկումը, թե ինչպես պետք է աշխատել երեխաների հետ եւ ինչպես պաշտպանել նրանց։ Բայց դրա գիտակցումը պետք է պատշաճ կերպով արտահայտված լինի նաեւ օրենսդրական ակտերում։ Եվ երկրորդ՝ պետք է երեխաներին զբաղվածության հնարավորություն ընձեռել»,- ասել է նա։