Ռուսաստանի ԱԳՆ պաշտոնական ներկայացուցիչ Մարիա Զախարովան Facebook-ի իր էջում մեկնաբանել է Թուրքիայի նախագահ Ռեջեփ Թայիփ Էրդողանի հայտարարությունը, որում ասված էր, որ Ռուսաստանը 2 օդաչուի պատճառով կորցրել է այնպիսի բարեկամի, ինչպիսին Թուրքիան է։
«Լրատվամիջոցները այսպես են փոխանցում Էրդողանի բառերը. «Ափսոս, որ Ռուսաստանը երկու օդաչուի պատճառով կորցրել է այնպիսի բարեկամի, ինչպիսին Թուրքիան է»։ Իսկ հիմա բառերը դասավորենք այն հերթականությամբ, որով իրականում դրանք պետք է լինեն. «Ռուսաստանը Թուրքիայի պատճառով կորցրեց երկու օդաչուի»,- գրել է Զախարովան, փոխանցում է «Փրայմը»։
Նշենք, որ ավելի վաղ Թուրքիայի նախագահն ասել էր, թե Մոսկվան եւ Անկարան թշնամիներ չեն։ Նա հիշեցրել էր, որ Թուրքիայի հանգստավայրերը 4 մլն ռուսաստանցի զբսաշրջիկներ են ընդունել, եւ հույս էր հայտնել, որ երկու երկրների հարաբերությունների կարգավորման քայլերը դրական արդյունք կտան։