Հայաստանը Թուրքիայի կողմից ռուսական Սու-24 ռմբակոծիչը խոցելը հանցագործություն է համարում ճիշտ այնպես, ինչպես Ադրբեջանի ԶՈւ կողմից Ղարաբաղում հայկական ուղղաթիռը խոցելը։ Այս մասին մարտի 11-ին՝ Երեւանում ՀԱՊԿ Խորհրդարանական վեհաժողովի արտագնա նիստի ավարտին կայացած ճեպազրույցում, լրագրողներին ասել է ՀՀ խորհրդարանի փոխխոսնակ Էդուարդ Շարմազանովը։
Նրա խոսքով՝ ՀԱՊԿ երկրների պատվիրակությունները պետք է համակարգված հանդես գան խաղաղության բոլոր արդիական սպառնալիքների դեմ։ Հայաստանը ղարաբաղյան հակամարտության լուծումը, ինչպես ցանկացած այլ հակամարտության լուծում, տեսնում է բացառապես խաղաղ ճանապարհով, 3 համընդհանուր սկզբունքների հիման վրա՝ ազգերի ինքնորոշման իրավունք, տարածքային ամբողջականություն, ուժի չկիրառման կամ դրա կիրառման սպառնալիք։ «Հարցը ուժի միջոցով լուծելով ադրբեջանական կողմի բոլոր փորձերն անընդունելի են»,- նշել է Շարմազանովը։
Նա ընդգծել է ՀԱՊԿ ԽՎ նախագահ Սերգեյ Նարիշկինի դերը այդ կազմակերպության դերը բարձրացնելու գործում։
