Մոսկվան սադրիչ քայլ է համարում վրաց-ամերիկյան Noble Partner 2016 զորավարժությունների անցկացումը, որի նախապատրաստման շրջանակում Վրաստան ամերիկյան ռազմական տեխնիկա է տեղափոխվում: Այս մասին գրում է ՌԻԱ Նովոստին:
«ՆԱՏՕ-ի զորքերի կողմից վրացական տարածքի այդպիսի հետեւողական «յուրացումը» դիտարկում ենք որպես սադրիչ քայլ՝ ուղղված Անդրկովկասի տարածաշրջանում ռազմաքաղաքական իրադրության գիտակցական խարխլմանը: Դրան նպաստում է նաեւ Վաշինգտոնի եւ նրա դաշնակիցների կողմից Թբիլիսիի ռեւանշիստական ձգտումների հանդեպ ներողամտությունը»,- ասված է ՌԴ ԱԳՆ մեկնաբանությունում:
