![](img/news/33/67/65/default.jpg)
Ռուսաստանի եւ Թուրքիայի հարաբերությունների լավացումը կբերի Սիրիայի հարցի լուծմանը: Այս մասին ասել է ՌԴ ԱՆ Սերգեյ Լավրովը, փոխանցում է «ՌԻԱ Նովոստին»:
«Այս ամենը դրական ազդեցություն կունենա տարածաշրջանի ընդհանուր իրադրության վրա, որը պակաս կարեւոր չէ, հուսով եմ դա մեզ կօգնի գտնել սիրիական ճգնաժամի լուծման ավելի արդյունավետ տարբերակներ, որի շուրջ Ռուսաստանի եւ Թուրքիայի կարծիքները չեն համընկնում: Սակայն Սոչիում հունիսի 30–ին կայացած իմ անմիջական զրույցը Թուրքիայի արտգործնախարար Մեվլութ Չավուշօղլուի հետ, թույլ է տալիս ենթադրել, որ հիմա մենք կունենանք ավելի քիչ տարաձայնություններ մեր թուրք գործընկերների հետ, մենք փորձում ենք ավելի անկեղծ պայմանավորվել ՄԱԿ-ի Անվտանգության խորհրդի եւ Սիրիայի աջակցության միջազգային խմբի որոշումների կատարման համար»,– ասել է Լավրովը: