Թուրքիայի նախագահ Ռեջեփ Թայյիփ Էրդողանը խոստովանել է, որ ուրախացել է Թուրքիայում պետական հեղաշրջման փորձից հետո Ռուսաստանի նախագահ Վլադիմիր Պուտինի հեռախոսազանգից, հայտնում է ՏԱՍՍ-ը: Առաջնորդների հանդիպումը տեղի է ունենում Ստրելնայում Կոնստանտինյան պալատի Հունական հյուրասրահում:
Առաջինը սրահ է եկել Պուտինը, հետո, մի քանի րոպե անց` Էրդողանը: Լրագրողների ներկայությամբ առաջնորդները ձեռքսեղմումով ողջունել են իրար: Տեղավորվելով բազկաթոռներում, որոնք իրարից բաժանել է փոքրիկ սեղանը, Պուտինը եւ Էրդողանը կարճ հայտարարություններ են արել առաջիկա բանակցությունների թեմատիկայի վերաբերյալ, ինչից հետո հանդիպումը շարունակվել է առանց մամուլի ներկայության:
Զրույցին ռուսական կողմից մասնակցում է արտգործնախարար Սերգեյ Լավրովը, թուրքական կողմից` արտգործնախարար Մեւլյութ Չավուշօղլուն եւ Թուրքիայի նախագահի աշխատակազմի Գլխավոր քարտուղարի տեղակալ, միջազգային եւ անվտանգության հարցերը համակարգող Իբրահիմ Կալինը:
