![](img/news/34/13/37/default.jpg)
Ղազախստանը ողջունում է իր ռազմավարական երկու մերձավորագույն գործընկերների՝ Ռուսաստանի եւ Թուրքիայի հարաբերությունների բարելավումը, հայտարարել է երկրի ԱԳ նախարար Երլան Իդրիսովը, փոխանցում է «Նովոստի Ղազախստան»-ը:
Նրա խոսքով՝ Սանկտ Պետերբուրգում տեղի ունեցած հանդիպումը շատ լավ ուղղությամբ է զարգացում, եւ իրենք ողջունում են իրադարձությունների այդպիսի զարգացումը: «Ղազախստանի համար Ռուսաստանը եւ Թուրքիան կարեւոր, սերտ, ռազմավարական գործընկերներ են, եւ մենք ոգեւորված ենք շատ հարցերում նրանց հարաբերությունների բարելավմամբ»,- ասել է Իդրիսովը:
«Մեր առաջնորդը, հաշվի առնելով Ղազախստանի սերտ հարաբերությունները Ռուսաստանի եւ Թուրքիայի հետ, ինչպես նաեւ իր ջերմ հարաբերությունները երկու երկրների առաջնորդների հետ, իհարկե դա օգտագործել է ինքնաթիռի հայտնի միջադեպից հետո Ռուսաստանի եւ Թուրքիայի հարաբերությունների բարելավմանն ինչ-որ չափով նպաստելու համար»,- նշել է Իդրիսովը: