News
Լրահոս
News
Երկուշաբթի
Հոկտեմբեր 21
USD
476.32
EUR
531.95
RUB
7.48
ME-USD
0.07
Տեսնել լրահոսը

Աղձքում հայ թագավորներից Արշակունիների արքայատոհմի գերեզմանատեղիիում, որը թվագրվում է մեր թվականության 4-րդ դարով, պեղումների ընթացքում հայտնաբերվել են մասունքներով քարե դամբարաններ։ Այս մասին լրագրողներին հայտնել է Հայաստանի մշակույթի նախարարության Պատմամշակութային ժառանգության գիտահետազոտական կենտրոնի տնօրենի տեղակալ, հնագետ Հակոբ Սիմոնյանը:

Պատմագիրներ Մովսես Խորենացու եւ Փավստոս Բուզանդի համաձայն՝ պարսից շահ Շապուհ 2-րդը իր քրմերի հրահրմամբ հայերին նվաճելու համար Անի-Կամախից (Եփրատի ափին գտնվող Փոքր Հայքի մայրաքաղաք, հեթանոսական Հայաստանի կենտրոն) գողացել է հնագույն հայերի արքաների մասունքները: Հայկական բանակը ջախջախել է պարսիկներին եւ մասունքները վերադարձրել, որոնք վերաթաղվել են Աղձքի գերեզմանատեղիիում:

Հնագետը նշել է, որ Աղձքի տարածքում նախկինում կատարված պեղումների ընթացքում մարդու մնացորդներ չեն հայտնաբերվել, եւ հին արքաների մասունքները գողանալու պատմությունը դասվել է առասպելների շարքին:

2015 թվականին այստեղ սկսել է աշխատել հնագետների նոր արշավախումբ, եւ մատուռի բեմի տակ՝ քարե սալահատակի տակ հայտնաբերվել են մասունքներով քարե սարկոֆագներ: Գիտնականները նախապես ենթադրել են, որ դամբարանները հելլենական դարաշրջանին են պատկանում, սակայն դրանցից մեկի վրա խաչ է պատկերված: Քանի որ սարկոֆագներում միայն ոսկորներ են եղել, գիտնականները ենթադրել են, որ վերաթաղում է կատարվել: Հնագետը ենթադրում է, որ դրանք հենց հայ արքաների այն մասունքներն են, որոնք ինչ-որ ժամանակ հափշտակել էին պարսիկները:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Օձաբերդում հայտնաբերվել է Երկաթի դարաշրջանի ամրոցաշինության ֆենոմենալ շինարարական ավանդույթ. հնագետ
կատարված բացահայտումները հիմք են տալիս՝ շարունակելու պեղումները Օձաբերդում հետագա տարիների ընթացքում, ավելի մեծ ծավալներով...
Գետահովիտ 2 հնագույն քարանձավում պեղումները շարունակվում են Սիրիայից մասնագետի մասնակցությամբ
Հետագա տարիներին քարանձավի ուսումնասիրությունը շարունակվել է, եւ 2014-ին կատարված շերտագիտական շուրֆը բացահայտել է քարայրի...
Տիգրանակերտը համաքաղաքակրթական նշանակություն ունի. հնագետը ներկայացրեց վերջին պեղումների արդյունքները
Տիգրանակերտի հայկական գրերը միանշանակ վկայում են այն մասին, որ այս տարածքը ոչ թե պարզապես հայկական է եղել, այն լուրջ ավանդ է ունեցել հայկական գրի տարածման մեջ…
Հայաստանի Վայոց ձորի մարզում նախկինում անհայտ ամրոցներ են հայտնաբերվել (ֆոտո)
Այս ամրոցների մեծ մասը նաեւ Վանի թագավորության շերտեր ունի…
Այստեղով է անցել Մեծ Մետաքսի ճանապարհը. հնագետը՝ Աղձքում (ֆոտո)
Այստեղ գտնվել է հին շատ թանկարժեք չինական հախճապակի, որն իրենց ունենալ կարող էին թույլ տալ միայն թագավորական տները…
Եզակի քարայրում պեղումները կարող են դադարեցվել ֆինանսավորման բացակայության պատճառով (ֆոտո)
Գետահովիտ քարանձավի հնագիտական արշավախմբի ղեկավար...