Թերթը երեկ Վանաձորի մանկավարժական համալսարնի ուսանողներից ահազանգ է ստացել, որ ուսխորհրդի ներկայացուցիչները ուսանողներին 5000 դրամ են առաջարկում՝ հոկտեմբերի 30-ին Սպիտակում ԲՀԿ միջոցառմանը մասնակցելու համար:
Մանկավարժականի ուսանողների խոսքով, ուսխորհուրդը ասում է, թե հոկտեմբերի 30-ին Սպիտակի գլխավոր հրապարակում մեծ համերգ է լինելու եւ հենց դրան մասնակցելու համար պետք է ինչքան հնարավոր է շատ ուսանողներ հավաքել: ԲՀԿ առաջնորդ Գագիկ Ծառուկյանի մամուլի քարտուղար Խաչիկ Գալստյանը թերթի լրագրողի հետ զրույցում ասել է, թե այդ օրը տեղի է ունենալու ոչ թե համերգ, այլ ուրիշ միջոցառում:
Ծառուկյանի ուղեկցությամբ Սպիտակի Յանուկովիչի անվան հրապարակ է այցելելու Ուկրաինայի հոգեւոր առաջնորդ Վլադիմիրը: Ուսանողներին բաժանվող գումարների հետ կապված մեկնաբանություններ ստանալ չի հաջողվել, քանի որ գալստյանը զրույցը չավարտած անջատել է հեռախոսը, ապա դարձել անհուսորեն անհանսանելի:
