Վերաքննիչ դատարանն հունվարի 16-ին կքննի շուրջ մեկ տարի կալանքի տակ գտնվող Վահան Շիրխանյանի շահերի պաշտպան Հայկ Ալումյանի բողոքները: NEWS.am-ի հետ զրույցում այսօր՝ հունվարի 13-ին, Հայկ Ալումյանը նշեց, որ իր բողոքներով պահանջում է փոխել իր պաշտպանյալի նկատմամբ ընտրված խափանման միջոց կալանքը եւ վերացնել նրա տեսակցությունների վրա դրված արգելքը:
Նրա խոսքով, իր պաշտպանյալը, եթե մասնակցի բողոքի քննությանը, ուրեմն նրան պատգարակով պետք է տեղափոխեն դատարան, քանի որ Վահան Շիրխանյանը չի կարողանում ինքնուրույն տեղաշարժվել:
Վահան Շիրխանյանը ձերբակալվել է 2015թ.-ի դեկտեմբերի 21-ին Նորք-Մարաշում զինված խմբավորման վնասազերծման գործի շրջանակում: Նա մեղադրվում է խմբավորման ղեկավար Արթուր Վարդանյանի հետ համագործակցության մեջ: Ընթացիկ տարվա սեպտեմբերին քննչական մարմինը Վահան Շիրխանյանին նոր մեղադրանք առաջադրեց՝ իշխանության գրավման նախապատրաստում:
Գործն արդեն դատարանում է, սակայն Վահան Շիրխանյանը նիստին ներկա չէր, առողջական վիճակը թույլ չէր տվել` ներկայանալ դատական նիստին: