Աստանայաում կայանալիք Սիրիայի հարցով գագաթնաժողովում գլխավոր դերը կխաղան Ռուսաստանն ու Թուրքիան։ Այս մասին հունվարի 20-ին տեղի ունեցած մամուլի ասուլիսի ժամանակ ասաց Հայաստանի արտաքին գործերի նախարարի նախկին տեղակալ, արտակարգ եւ լիազոր դեպսան Արման Նավասարդյանը։
Նրա խոսքով՝ Ռուսաստանի եւ Թուրքիայի՝ Իրանի հետ համագործակցությունը լուրջ խնդիրներ կառաջացնի։ «Թեհրանն Անկարային մեղադրում է այն բանում, որ Թուրքիան չի պայքարում ահաբեկչության դեմ, այլ ցանկանում է ամրապնդել դիրքերը Սիրիայում։ Թուրքիան պահանջում է, որ «Հիզբոլլահ» շարժումը լքի Սիրիան, ինչին դեմ է Իրանը»,-նշել է Նավասարդյանը։
Ըստ դիվանագետի՝Իրանը կարծում է, թե Ռուսաստանն ու Թուրքիան իր մեջքի հետեւում Թեհրանի դեմ քաղաքականություն են վարում։ «Եվ կարող են իրադարձություններ տեղի ունենալ, որոնք կփոխեն ամբողջ տարածաշրջանի քաղաքական դեմքը»,-հավելել է Արման Նավասարդյանը։