ԱՄՆ-ի Փենսիլվանիայի նահանգում՝ Ֆիլադելֆիայի հրեական գերեզմանատանը կիրակի հայտնաբերվել են ավելի քան 100 վնասված կամ շրջված տապանաքարեր, հայտնում է Associated Press-ը:
Այս մասին ոստիկանությանը տեղեկացրել է գերեզմանատուն այցելած մի տղամարդ:
Ոստիկանությունից հայտնել են շրջված ավելի քան 100 տապանաքարի մասին, մինչդեռ ABC6-ը վնասված 500 տապանաքարի մասին է հայտնել: Իրավապահները տեղի ունեցածը վանդալիզմ են համարել:
Սա ԱՄՆ-ում նման երկրորդ դեպքն է, ավելի վաղ վանդալները պղծել էին Միսսուրիի նահանգում գտնվող գերեզմանատան շիրիմները: