Ֆրանսիայի Նարբոն քաղաքի մաքսավորները ինքնաթափում 464,5 կիլոգրամ մարիխուանա են հայտնաբերել, հայտնում է Parisien պարբերականը:

Պարբերականի տեղեկություններով՝ 3 մլն եվրո արժողությամբ թմրանյութը անցյալ շաբաթ է հայտնաբերվել ինքնաթափի հիդրավլիկ համակարգը ստուգելիս: Ավտոմոքենայի այդ հատվածի նկատմամբ «հետաքրքրություն էր դրսեւորել» ծառայողական շունը, որից հետո նոր այն ստուգել են:

Վարորդը հայտնել է, որ Իսպանիայից է եկել եւ Նիմ շինանյութ է տեղափոխել: Սակայն ապրանքի համար վարորդի մոտ ոչ մի փաստաթուղթ չի եղել: