Պետք է քննարկել արեւային էներգիայի կիրառման հնարավորությունները Հայաստանի դեռեւս չգազաֆիկացված բնակավայրերում։ Այս մասին մարտի 30-ին Հայաստանի Կառավարության նիստի ժամանակ հայտարարել է ՀՀ վարչապետ Կարեն Կարապետյանը։
Նա նշել է, որ հանրապետությունն արդեն 96-97 տոկոսով գազաֆիկացված է։ Պետք է էներգիայով ապահովել նաեւ երկրի մյուս մասը։ Դրա հետ կապված՝ Կարապետյանը համապատասխան գերատեսչություններին հանձնարարել է մեկ ամսվա ընթացքում հաշվարկել գազաֆիկացման ծախսերը։ Դրա հետ մեկտեղ, Կառավարության ղեկավարի խոսքով՝ պետք է էներգիայի այլընտրաքանյին մատակարարման համեմատական հաշվարկ իրականացնել։ Դրանք են՝ արեւային մարտկոցները, ջեռուցման կաթսաները եւ այլն։
«Արդյունքում պետք է փոխշահավետ տարբերակներ ներկայացնել»,-հավելել է վարչապետը։
