«Ռուցոգ ինվեստ» ընկերության նախագահ Ռուբեն Գրիգորյանը չի ֆինանսավորում «Երկիր Ծիրանի» կուսակցությունը: Այս մասին այսօր՝ ապրիլի 21-ին, լրագրողների հետ զրույցում ասել է կուսակցության ղեկավար Զարուհի Փոստանջյանը:
«Ճանաչում եմ, իմ լավ ընկերն է, մեծ մտավորական է: Իր մտավորական լինելը շատ կարեւոր է, որ մենք նման հայ գործարարներ ունենք, հայ ազգի ներկայացուցիչներ: Նա մեզ չի ֆինանսավորում, նա ընդամենն իմ լավ ընկերն է»,-ասաց նա:
Ավելի վաղ մամուլում լուրեր էր տարածվել, որ «Երկիր Ծիրանին» ֆինանսավորում է «Ռուցոգ ինվեստ» ընկերության նախագահ Ռուբեն Գրիգորյանը:
