Սիերա Լեոնեի մայրաքաղաքի արվարձանում սողանքի հետեւանքով առնվազն 200 մարդ է զոհվել, հաղորդում է AP-ն։ Տեղի դիահերձարանում տեղերը չեն բավականացնում, իսկ վայրը, որտեղ դեռ երեկ տասնյակ տներ կային, վերածվել է քարերի կույտի ու ցեխի։
Սիերա Լեոնեում սողանքների պատճառ են դարձել ուժեղ անձրեւներն ու ջրհեղեղները։ Հատկապես տուժել են մայրքաղաքի արվարձանները։ Աղետի ծավալներն այնպիսին են, որ պաշտոնատար անձինք չեն արողանում թաքցնել իրենց սարսափը։
«Աղետն այնքան ահռելի է, որ ես ինձ կոտրված եմ զգում։ Մենք փորձում ենք տարհանել մարդկանց»,-ասել է փոխնախագահ Վիկտոր Ֆոհը։
