Կենդանի թիրախի վրա փորձարկմանը իսրայելի քաղաքացիների մասնակցությունը միջազգային սկանդալ է։ Այս մասին օգոստոսի 17-ին մամուլի ասուլիսի ժամանակ հայտարարեց «Մոդուս վիվենդի» վերլուծական կենտրոնի ղեկավար Արա Պապյանը։
Հիշեցնենք, որ վերջին օրերին իսրայելական մամուլում շրջանառվում են իսրայելցի մասնագետների՝ մարտական դրոնները Ադրբեջանի խնդրանքով հայկական թիրախների վրա փորձարկելու մասին լուրերը։ Առաջինն այդ մասին գրել է «Մաարիվ» պարբերականը։
«Մենք ավելի վաղ էլ ենթադրում էինք, որ իսրայելցիները մասնակցել են ապրիլյան իրադարձություններին»,-հիշեցրեց Պապյանը։ Նրա խոսքով՝ դա լուրջ միջադեպ է, իսկ նման համատեքստում Իսրայելի քաղաքացու մասնակցությունը հետապնդվում է երկրի օրենսդրությամբ։