News
Լրահոս
News
Կիրակի
Սեպտեմբեր 23
Տեսնել լրահոսը

Վերջին շրջանում Ադրբեջանում գրանցված հերթական ճնշումները մամուլի եւ խոսքի ազատության նկատմամբ, ստիպում եմ ԱՄՆ օրենսդիրներին ավելի լուրջ քայլերի դիմել, հաղորդում է «Ամերիկայի ձայնը»

«Ադրբեջանում մամուլի եւ խոսքի ազատության համատեքստում իրավիճակը կարելի է բնութագրել որպես չափազանց ծանր»,- նշում է վերլուծաբան Էմիլ Սանամյանը:

Օգոստոսին Ադրբեջանում կալանավորվեց Թուրան լրատվական գործակալության տնօրեն Մեհման Ալիեւը՝ հարկերի վճարումից խուսափելու, պաշտոնական լիազորությունները չարաշահելու եւ ապօրինի ձեռնարկատիրությամբ զբաղվելու մեղադրանքով: Սառեցվել էր լրատվամիջոցի բանկային հաշիվը, իսկ գործակալության գրասենյակում հարկային մարմիններն անցկացրեցին ստուգումներ: Հետագայում Մեհման Ալիեւի կալանավորումը փոխարինվեց տնային կալանքով:

«Վերջին իրադարձությունը, կապված Ադրբեջանում առաջին եւ այս պահին միակ անկախ լրատվամիջոցի՝ Թուրանի ղեկավարի կալանավորման եւ ազատ արձակման հետ, փաստում է, որ այստեղ վերանում են ազատության կղզյակները»,- ասում է Բեռլինում գործող ադրբեջանական ընդդիմադիր Մեյդան TV լրատվամիջոցի գործադիր տնօրեն Էմին Միլլին:

Թուրանի նկատմամբ բռնաճնշումները միջազգային ասպարեզում քննադատության նոր ալիք բարձրացրեցին ընդդեմ Ադրբեջանի իշխանությունների: ԱՄՆ-ի պետքարտուղարությունը եւս խորը մտահոգություն հայտնեց այս առիթով, իսկ ԱՄՆ-ի Սենատում առաջ քաշվեց սենատոր Դիք Դրբինի նախաձեռնությունն՝ Ադրբեջանի պաշտոնյաների դեմ համապատասխան պատժամիջոցներ սահմանելու մասին:

«Այն ինչ տեղի ունեցավ կրկնություն էր նախկինում տեղի ունեցած զարգացումների, երբ լրագրող Հաջիջա Իսմայիլովան ձերբակալվեց, իսկ կոնգրեսական Քրիս Սմիթն առաջարկեց պատժամիջոցների կիրառում: Ադրբեջանի իշխանությունները գիտակցեցին, որ կարող են ենթարկվել պատժամիջոցների եւ ազատ արձակեցին Իսմայիլովային»,- ասում է վերլուծաբան Էմիլ Սանամյանը:

«Սա ընդամենը շարունակություն է այն վարքագծի, որ դրսեւորում են Ադրբեջանի իշխանությունները երկար տարիներ՝ երկրում վերացնելով անկախ լրատվամիջոցի համար ազատ գործելու տարածությունը»,- ասում է Ադրբեջանում ԱՄՆ-ի նախկին դեսպան, վերլուծաբան Ռիչարդ Կազլյարիչը:

Վերլուծաբանները համամիտ են, որ Ադրբեջանում մամուլի եւ ազատության նկատմամբ բռնաճնշումների դեմ պայքարելու ամենաարդյունավետ միջոցը պատժամիջոցների սպառնալիքն է:

«Կարծում եմ իշխանություններին զարմացրեց սենատոր Դրբինի նախաձեռնությունը: Ամեն դեպքում միայն դրանից հետո Թուրան գործակալության տնօրենի բանտարկման միջոցը փոխարինվեց տնային կալանքով»,- ընդգծում է դեսպան Կազլյարիչը:

«Ակնհայտ է, որ Ալիեւին մտահոգում է դեպի Արեւումուտք ելք ունենալու հնարավոր սահմանափակումը, քանի որ այնտեղ է գտնվում նրա ֆինանսական միջոցների մեծ մասը: «Մագնիտցկու ցուցակի» օրինակով ճնշումներն արդյունավետ են Ադրբեջանի պարագայում»,- ընդգծում է Սանամյանը:

Ըստ Էմիլ Սանամյանի, պատժամիջոցների բացակայությունը նախկինում նպաստել է, որ Ադրբեջանի իշխանությունները շարունակեն ճնշել ազատ խոսքն ու մամուլը երկրում:

«Ադրբեջանի նկատմամբ բարեփոխումներ իրականացնելու կամ առնվազն մամուլի ճնշումները դադարեցնելու պահանջով համապատասխան սահմանափակումների բացակայության պարագայում, ամենայն հավանականությամբ, նման ճնշումները կշարունակվեն»,- ընդգծում է Սանամյանը:

Ռիչարդ Կազլյարիչի կարծիքով էլ այս հարցում ԱՄՆ-ի քաղաքականությունը դրսեւորում է շարունակականություն:

«Նրանք մտահոգություն հայտնեցին Թուրանի տնօրենի կալանավորման առիթով: Նույն առիթներով արձագանքում էր Օբամայի վարչակազմը, ուստի դա վկայում է, որ վարչակազմի քաղաքականությունը նման բացասական երեւույթներին արձագանքելու առումով փոփոխության չի ենթարկվել»,- ընդգծում է դեսպան Կազլյարիչը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ֆրանսիական դատարանը մերժել է Ադրբեջանի հայցը. Ադրբեջանում բռնակալի դիկտատուրա է
Ադրբեջանը պարտվել է «Cash Investigation»-ին եւ հաղթել է խոսքի ազատությունը…
Շնորհազրկված ադրբեջանցի գրող Աքրամ Այլիսլին հանդես է եկել բաց նամակով
Գրողի հանդեպ հետպանդումները մեկ տարուց ավելի են տեղի ունենում եւ սկսվել են «Քարե երազներ» վեպի հրապարակումից հետո, որտեղ գրողը համարձակվել էր դրական արատահայտվել հայերի մասին...
ԵԱՀԿ համաժողովում կքննարկեն Ադրբեջանում մարդու իրավունքների հետ կապված իրավիճակը
Խնդիրները պահպանվում են եւ մինչ օրս, այդ կազմակերպությունների մի մասը երկրում գործունեություն իրականացնելիս բախվում է...
Կոռուպցիան, մարդու իրավունքները պետք է տեղ գտնեն կանցլերի Բաքու այցի օրակարգում. «Թրանսփարենսի Ինթերնեշնլ»-ը՝ Մերկելին
Մերկելի` հարավկովկասյան երկրներ կատարվող այցի օրակարգի մեխը Գերմանիայի կողմից Հարավային գազային միջանցքին ցուցաբերվող աջակցությունն է...
Յագլանդը՝ Ադրբեջանին. Մենք չենք ընդունում քաղբանտարկյալների առկայությունը Եվրոպայում
«Անմեղ մարդիկ չպետք է զրկվեն ազատությունից, եւ Մարդու իրավունքների եվրոպական դատարանի որոշումները պետք է կատարվեն...
Արեւմտյան դիվանագետները վախեցրել են ադրբեջանական դատարանին. Իլգար Մամեդովի գործով դատական նիստը հետաձգվել է
ՌԵԱԼ կուսակցության առաջնորդ Իլգար Մամեդովի գործով օգոստոսի 10-ին նշանակված նոր դատաքննությունը անորոշ ժամանակով հետաձգվել է…
Partner news