![](img/news/04/12/66/default.jpg)
Ախալքալաքի կանայք չգիտեն իրենց իրավունքների մասին. Այստեղ հայ ընտանիքներում տղամարդու եւ կնոջ ֆունկցիաները շատ խիստ բաժանված են եւ ըստ ավանդույթի կնոջ ֆունկցիաները եւ դերը հստակեցված է ոչ միայն ընտանիքում, այլեւ քաղաքականության մեջ: Այս մասին իր հոդվածում գրում է վրացական «Պիրվելի» թերթը, ներկայացնելով Ախալքալաքի հայ կանանց վիճակը:
«Ախալքալաքի հեռու գյուղերում կանանց սոցիալական կարգավիճակը շատ ծանր է, քանի որ նրանք բացի տնային աշխատանքներից ստիպված են նաեւ տղամարդու աշխատանք կատարել, քանի որ տղամարդիկ հիմնականում գտնվում են Ռուսաստանում` հացի փող վաստակելու նպատակով»,- գրում է թերթն ու հավելում. «Ախալքալաքում բնակվող կանանց մեծամասնությունը արդեն համակերպվել է նման կյանքի հետ: Նրանք բողոքում են իրենց ծանր կյանքից, բայց ոչ մեկին չեն մեղադրում, ամեն ինչ կապում են կովկասյան ավանդույթների հետ»:
«Գյուղերում կանայք չգիտեն իրենց իրավունքների մասին: Նրանք ակտիվ չեն, գաղափար չունեն թե ինչ է կատարվում աշխարհում, իսկ քաղաքական ընտրությունների վերաբերյալ ընդհանրապես գաղափար չունեն:
«Կովկասյան ավանդույթներ» կարծրատիպի խախտումը Ախալքալաքի կանայք սխալ են համարում;Նրանց կարծիքով, պաշտոնական աթոռը կնոջ համար չէ: Կինը պետք է մինչեւ երեկո հետեւի տնային աշխատանքներին, մեծացնի երեխաներին եւ հպատակվի տան մեծերին»,- ամփոփում է հոդվածագիրը: