Թերթը զարմանքով է մեկնաբանում պատգամավորների աշխատավարձի բարձրացման մասին օրենքի նախագծի հետկանչումը: Օրինագծի հեղինակներն են դաշնակցական Արծվիկ Մինասյանը, հանրապետական խմբակցության ներկայացուցիչներ Ռաֆիկ Պետրոսյանն ու Շիրակ Թորոսյանը, Բարգավաճ Հայաստանի պատգամավորներ Արամ Սաֆարյանն ու Վարդան Բոստանջյանը եւ օրինացերկրական Հովհաննես Մարգարյանը: Թերթը վստահ է, որ սեփական աշխատավարձը բարձրացնելու մտքից նրանց հրաժարվելը կապված է ոչ թե նվազագույն աշխատավարձի 2500 դրամ բարձրացման, այլ բացասական հերոսի իրենց կերպարի հետ պայքարելու, քաղաքական տոկոսներ կորցնելու հետ:
Դաշնակցական Արծվիկ Մինասյանը գործադիր, դատական եւ օրենսդրական իշխանությունների ներկայացուցիչների բարձր աշխատավարձը ցանկանում է կապել հակակոռուպցիոն պայքարի եւ թոշակների ու նպաստների բարձրացման հետ: Իսկ դրա դեմ հանդես եկողներին մեղադրում է կարճատեսության, կամ կոռումպացված լինելու մեջ: Նրա կարծիքով, դեմ հանդես եկողները չեն ուզում, որ պատգամավորներտ ֆինանսական անկախություն ունենան իշխանություններից:
Մինասյանը խոստովանել է, որ խորհրդարանում ընդամենը երկու տասնյակ պատգամավոր է աշխատում: Ստացվում է, որ մնացած 111 պատգամավորները զբաղվում են ամեն ինչով, բացի օրինաստեղծ աշխատանքից: