Հայաստանի կենտրոնական ընտրական հանձնաժողովն այսօր՝ դեկտեմբերի 15-ին խորհրդարանի պատգամավոր է գրանցել «Բարգավաճ Հայաստան» կուսակցության համամասնական ընտրացուցակում ընդգրկված Արագած Ախոյանին:
Նման որոշում կայացնելու համար հանձնաժողովը հիմք է ընդունել Ազգային ժողովի դեկտեմբերի 10-ի արձանագրությունը Արեւիկ Պետրոսյանի պատգամավորական լիազորությունները դադարած համարելու մասին: ԿԸՀ-ին ինքնաբացարկի դիմումներ էին ներկայացրել համամասնական ընտրացուցակում Ախոյանից առաջ գտնվող Գուժ Մանուկյանը, Արթուր Թամազյանը, Հայրապետ Հայրապետյանն ու Սերգեյ Բագրատյանը:
Արագած Ախոյանը գործարար է, «Հայկարշին» ընկերության տնօրենը:
Նշենք, որ խորհրդարանի նախկին փոխնախագահ Արեւիկ Պետրոսյանը Հայաստանի նախագահ Սերժ Սարգսյանի դեկտեմբերի 8-ի հրամանագրով նշանակվել է Սահմանադրական դատարանի անդամ:
