Իրանի միջուկային ծրագրի շուրջ իրավիճակը տարածաշրջանում նոր էսկալացիայի չի հանգեցնի։ Այս մասին NEWS.am–ի հետ զրույցում ասել է ռուսաստանցի փորձագետ Կարինե Գեւորգյանը։
Միաժամանակ նա նշել է, որ ԱՄՆ–ն ու Իսրայելը ամեն կերպ փորձում են արդիական պահել այդ թեման։ «Կարծում եմ, որպեսզի կանգնեցնեն տարածաշրջանում Իրանի աճող ազդեցությունը, նրանք կարող են դիմել այլ փաստարկների, ինչն էլ արդեն անում են»,– ասել է Գեւորգյանը եւ հավելել, որ Սաուդյան Արաբիան արդեն բավականին լուրջ հայտարարություն է արել տարածաշրջանում Իրանի ազդեցության կրճատման անհրաժեշտության մասին։
Միաժամանակ փորձագետը վստահ է, որ Վաշինգթոնը կփորձի քրդական եւ լիբանանյան խնդիրների միջոցով արդիական պահել այդ հարցը՝ թեժացնելով առանց այդ էլ լարված իրավիճակը տարածաշրջանում։
