Ռուսաստանի նախագահ Վլադիմիր Պուտինը դեռ չի որոշել՝ 2018 թվականին առաջադրվելու է կուսակցությա՞ն կողմից, թե՞ ինքնառաջադրվելու է։ Այս մասին լրագրողներին հաղորդել է նրա մամուլի քարտուղար Դմիտրի Պեսկովը, հայտնում է ՏԱՍՍ-ը։
«Դեռ որոշում չի կայացվել։ Երբ կայացվի, այդ մասին կհաղորդենք»,-պատասխանել է Պեսկովը համապատասխան հարցին։
Պեսկովը դրական է պատասխանել հարցին, թե հնարավոր է արդյոք համապատասխան որոշումը կայացվի մինչեւ Նոր տարի, բայց նաեւ նշել է, որ հնարավոր է նաեւ ավելի ուշ։
Մամուլի քարտուղարը հրաժարվել է պատասխանել հարցին, թե ով կգլխավորի Պուտինի նախընտրական շտաբը։
Այս շաբաթ Պուտինը հայտարարել էր, որ մտադիր է առաջադրվել 2018 թվականի նախագահական ընտրություններին։
