Հյուսիսային Կորեան մտադիր է «անողոք ինքնապաշտպանական միջոցներ» ձեռնարկել, եթե ԱՄՆ-ը դիմի երկրի ծովային շրջափակման: Այս մասին հայտարարել է Հյուսիսային Կորեայի արտաքին գործերի նախարարության ներկայացուցիչը, հաղորդում է Reuters- ը՝ վկայակոչելով Կորեայի կենտրոնական հեռագրական գործակալությունը (ԿԿՀԳ):
Ըստ նրա՝ ծովային շրջափակումը կդառնա երկրի ինքնիշխանության եւ արժանապատվության «անպատասխանատու խախտում»: ԱՄՆ նախագահը, ձգտելով նման շրջափակման, «չափազանց վտանգավոր քայլ է ձեռնարկում միջուկային պատերազմի ուղղությամբ». «Եթե ԱՄՆ-ը եւ նրա կողմնակիցները փորձեն շրջափակել մեր երկիրը, մենք դա կդիտարկենք որպես պատերազմական գործողություն եւ անողոք պատասխան քայլեր կձեռնարկենք, որոնց մասին բազմիցս զգուշացրել ենք»:
