Կատալոնական ճգնաժամից եզրակացություններ պետք է անի ոչ թե Եվրոպան, այլ Իսպանիան։ Այս մասին NEWS. am—ի թղթակցի հետ զրույցում հայտնել է պատմական գիտությունների թեկնածու, Ռուսաստանի գիտությունների ակադեմիայի Արեւելագիտության ինստիտուտի Կենտրոնական Ասիայի, Կովկասի ու Ուրալ Մերձվոլգյան տարածաշրջանի ուսումնասիրության կենտրոնի աշխատախմբի ղեկավար Ալեքսանդր Սկակովը ։
Նրա խոսքով՝ Կատալոնիայում ճգնաժամի առաջացման պատճառն այն էր, որ Իսպանիայի ղեկավարությունը չի կարողացել փոխզիջումներ գտնե կատալոնյան վերնախավի հետ։ «Հիմա իհարկե չենք կարող խոսել Իսպանիայից Կատալոնիայի առանձնացման մասին, քանի որ Մադրիդը դեմ է դրան։ Եթե Մադրիդը իրեն ճիշտ պահի, ապա այսպես կշարունակվի նաեւ այսուհետ»,- ասել է փորձագետը, հավելելով, որ եթե Իսպանիայի կենտրոնական իշխանությունները շարունակեն հիմարություններ անել, ապա կատալոնցիները նորից զանգվածային բողոքի դուրս կգան։
Ալեքսանդր Սկակովը նորից շեշտել է, որ տվյալ հակամարտության վերջնական կարգավորումը այնուամենայնիվ մեծամասամբ ոչ թե Բարսելոնից, այլ Մադրիդից է կախված ու որ վերջինի կողմից լուրջ սխալների դեպքում Կատալոնիայում սառեցված հակամարտությունը հեշտությամբ կարող է նորից բորբոքվել։
Հիշեցնենք, որ Իսպանիայի իշխանությունները անտեսել են Կատալոնիայի անկախացման մասին հանրաքվեի արդյունքները ու նորից տարածաշրջանում ներդրել են ուղիղ կառավարում եւ լրատվամիջոցների գրաքննություն։