Բաքվի վերաքննիչ դատարանում ավարտվել է երիտասարդական ակտիվիստ Գիաս Իբրահիմովի եւ նրա հոր՝ Հասան Իբրահիմովի գործով նախնական նիստը: Ինչպես հաղորդում է contact.az-ը, հայրը եւ որդին մեղավոր են ճանաչվել Քրեական օրենսգրքի 289.2-րդ հոդվածով (դատավորի նկատմամբ անհարգալից վերաբերմունք): Յասամալի շրջանային դատարանը Գիաս Իբրահիմովին 3 ամսվա ազատազրկման է դատապարտել՝ ի լրումն ավելի վաղ կայացված 10 տարվա ազատազրկման մասին որոշմանը:

Հասան Իբրահիմովը դատապարտվել է 1,5 տարվա ուղղիչ աշխատանքների՝ աշխատավարձի 20 տոկոսի պահմամբ:

Տվյալ քրեական գործը հարուցվել էր այս տարվա հունիսի 5-ին Բաքվի Վերաքննիչ դատարանում տեղի ունեցած միջադեպի կապակցությամբ, երբ դատախազի ելույթի ժամանակ Գիաս Իբրահիմովը պոկել էր ապակե խցիկի մեջ տեղադրված բարձրախոսը (Գիաս Իբրահիմովն ու Բայրամ Մամեդովը դատապարտվել են 10 տարվա ազատազրկման՝ թմրանյութերի ապօրինի շրջանառության համար այն բանից հետո, երբ վերջիննեիս քաղաքական կարգախոսներ էին գրել Հեյդար Ալիեւի հուշարձանի վրա):

Գիասը պոկել էր բարձրախոսը, երբ դատավորը անտեսել էիր կոչն այ մասին, որ ոչինչ չի լսվում, ինչից հետո հսկիչները մերխուժել էին վանդակի մեջ եւ, կոպիտ ուժ կիրառելով, ձեռնաշղթաներ հագցրել Գիասի ձեռքերին: Ակտիվիստի վրդովված հայրը բողոք էր արտահայտել`դատավորին հորդորելով դադարեցնել բռնությունը: «Կգա մի օր, երբ նույն բանը տեղի կունենա քո երեխաների համար», - բացականչել էր նա:

Բաքվի վերաքննիչ դատարանի դատավորներ Վուգար Մամեդովը, Աֆլաթուն Հասիմովը եւ Ամիր Բայրամովը տեղի ունեցածը դիտարկեցին որպես անհարգալից վերաբերմունք: